قازگيدرومەت 5-7 قازانعا ارنالعان اۋا رايى بولجامىن جاريالادى.

سينوپتيكتەر مالىمەتىنە سايكەس، الداعى ءۇش كۇندە قازاقستان اۋماعىنىڭ باسىم بولىگى جاۋىن-شاشىننىڭ الدىن الۋعا جانە اۋا تەمپەراتۋراسىنىڭ ودان ءارى تومەندەۋىنە اكەلەتىن سولتۇستىك-باتىس انتيسيكلوننىڭ ىقپالىندا بولادى.

قازاقستاننىڭ سولتۇستىك، شىعىس جانە وڭتۇستىك-شىعىس وڭىرلەرىنىڭ اۋا رايى سيكلونعا بايلانىستى.

6 قازاندا تاۋلى اۋدانداردا قاتتى جاۋىن-شاشىن كۇتىلەدى. جاۋىن-شاشىنمەن بىرگە تۇمان تۇسەدى، كوكتايعاق بولىپ، بۇرقاسىن كوتەرىلەدى.

تۇندە قازاقستاننىڭ باتىسىندا اۋا تەمپەراتۋراسى - 0-5 گرادۋسقا دەيىن، سولتۇستىك-باتىستا، سولتۇستىكتە جانە ورتالىقتا - 5-10 دەيىن، شىعىستا - 3-11 گرادۋسقا دەيىن تومەندەيدى. وڭتۇستىكتە تۇنگى ۋاقىتتا اۋماقتىڭ كوپ بولىگىندە - 1-6 گرادۋس اياز بولادى.